Certifikata e Përdorimit
Qëllimi
Qëllimi i këtij lejimi vërteton përputhjen e ndërtimit me dokumentacionin ndërtimor dhe kodet e aplikuara ndërtimore, dhe që tregon se ndërtimi është i përshtatshëm për përdorim.
Qëllimi tjetër është edhe krijimi bazës juridike qe ndërtimi i realizuar të regjistrohet ne Kadastër dhe Regjistrat e të Drejtës në Pronë të Paluajtshme (RDPP).
Përshkrim i Shkurtër
Certifikata e përdorimit lëshohet kur të plotësohen këto kushte:
kërkesat e lejes ndërtimore janë zbatuar;
poseduesi i lejes ndërtimore dhe/ose kontraktuesi kanë hequr dhe hedhur mbeturinat ndërtimore nga vend ndërtimi në deponi adekuate të mbeturinave ndërtimore, të caktuar në mënyrë specifike për këtë qëllim, dhe
masat e kursimeve dhe efiçiencës së energjisë janë zbatuar.
Aplikimi për Certifikatë të Përdorimit për kategorinë e III të ndërtimeve (ndërtime me rrezikshmëri të lartë dhe me interes nacional) është kompetencë e Ministrisë së Mjedisit, Planifikimit Hapësinor dhe Infrastrukturës. Pas dorëzimit të kompletuar të aplikacionit për Certifikatë të Përdorimit, brenda afatit 30 ditore, Ministria është e obliguar të lëshoj vendimin për miratimin apo refuzimin e Certifikatës së Përdorimit.
Baza ligjore
Validiteti
E përhershme
Organi i ankimimit
Gjykata Themelore në Prishtinë
Afati i ankimimit
30 ditë
Informacion për aplikim
- Të dhënat e Aplikuesit
- Të dhënat për ndërtimin
- Dokumentet e Kërkuara një (1) kopje fizike dhe digjitale
- Deklarata e Aplikuesit
Dokumentacioni i kërkuar
- Incizimin gjeodezik i objektit, dhe rregullimit të jashtëm-gjendjen e realizuar, me vijën rregullative dhe vijën ndërtimore e vendosur në sistemin koordinativ sipas Kosovaref 01.(te jete konform kërkesave ligjore të kadastërit); [Origjinal]
- Fotografi që dëshmojnë për pozicione të caktuara të punëve janë kryer sipas projektit [Origjinal]
- Atestet e materialeve dhe rezultatet e testimeve; [Kopje]
- Raport të realizimit të punëve ndërtimore nga secili inxhinier mbikëqyrës i fazës se ndërtimit, me të cilin merr përsipër se punët janë kryer plotësisht sipas projektit, në përputhje të plotë me Lejen e Ndërtimit [Origjinal]
- Diplomat e inxhinierëve qe kane bere mbikëqyrjen e fazave te ndërtimit; [Kopje]
- Nëse janë bërë modifikime gjatë ndërtimit, duhet të dorëzohet skica e “NDËRTIMIT TË KRYER” që në mënyrë specifike tregon modifikimet; [Origjinal]
Koha e parashikuar brenda së cilës duhet të jepet përgjigje për proceduren (në ditë): 30 ditë
| Lloji i pagesës | Shuma e taksës (në Euro) | Mënyra e pagesës | Numri i llogarisë |
|---|