Leje për institucion trajnues në fushën private të sigurisë
Qëllimi
Nënkupton pajisjen me leje nga organi kompetent për personin juridik për ofrimin e trajnimeve në fushën private të sigurisë
Përshkrim i Shkurtër
Pala duhet ti plotesoje kushtet e nenit 35 të Ligjit 08/L-274 për Shërbimet Private të Sigurisë
Dhe aplikimi është përmes Sistemit online për Shërbimet Private të Sigurisë (SSHPS) - i cili është në web faqen e Ministrisë se Punëve të Brendshme.
Baza ligjore
Validiteti
Sipas këtij ligji, të gjitha lejet lëshohen për një periudhë pesë (5) vjeçare
Organi i ankimimit
Ministria e Punëve të Brendshme, Komisioni i Ankesave për Sigurinë Private
Afati i ankimimit
Afati i ankimimit është i përcaktuar në Ligjin përkatës për Procedurën e Përgjithshme Administrative.
Informacion për aplikim
Dokumentacioni i kërkuar
- Për tu pajisur me leje për ofrimin e trajnimeve në fushën private të sigurisë, aplikuesi duhet të plotësojë këto kushte:
- të jetë i regjistruar si person juridik në regjistrin e bizneseve në Republikën e Kosovës [Kopje]
- të ketë dëshmi për pronësinë ose për marrje me qira të objektit, të vlefshme së paku për kohën e kërkuar për licencë; [Kopje]
- të sigurojë hapësira të nevojshme për mbështetje administrative dhe logjistike; [Kopje]
- të sigurojë hapësirë prej së paku dyzet (40) m2 , të pajisura me pajisje të nevojshme për mbajtjen e ligjëratave; [Kopje]
- të sigurojë një sallë për trajnime praktike dhe taktike prej së paku dyzet (40) m2 ; [Kopje]
- të sigurojë pajisjet për mbrojtje nga zjarri; [Kopje]
- të ketë të vendosura kamerat e vëzhgimit elektronik në hyrje të objektit dhe në hapësirat e mbuluara sipas nënparagrafit 1.5. dhe 1.6. të këtij neni; [Kopje]
- pajisja për ruajtjen e incizimeve, duhet ta ruajë së paku dy (2) muaj incizimin e vëzhgimit të kamerave nga data e regjistrimit. [Kopje]
- Personeli i detyrueshëm nuk duhet të jetë i dënuar për vepër penale dhe përfshin [Kopje]
- një menaxher në pikën e pranimit që është përgjegjës për mbajtjen dhe evidentimin e dokumentacioneve të kandidatëve për trajnim dhe caktimin e orarit të trajnimit për kandidatë; [Kopje]
- një ligjërues për çështje ligjore me diplomë të fakultetit juridik [Kopje]
- një instruktor të certifikuar nga institucioni përkatës për dhënien e ndihmës së parë të pajisur me së paku një CPR model dhe një pajisje për të simuluar plagët (seti i gjurmëve) për trajnimin në fushën e ndihmës së parë; [Kopje]
- instruktor të certifikuar nga institucioni përkatës për parandalimin e zjarrit; [Kopje]
- minimumi nga një (1) instruktor të certifikuar dhe të autorizuar nga organi kompetent për trajnim në çdo fushë të trajnimit të specializuar të parashikuar në këtë ligj; [Kopje]
- instruktor për trajnim praktik për përdorimin e prangave, shkopit dhe taktikat mbrojtëse. [Kopje]
- Plan-programi aprovohet nga organi kompetent për trajnim themelor profesional dhe të specializuar për çdo fushë të caktuar. [Kopje]
- Poseduesi i lejes, në rast të ndryshimit të adresës ose të personelit të institucionit trajnues, duhet ta njoftojë organin kompetent brenda pesëmbëdhjetë (15) ditësh dhe të plotësojë kushtet e parapara me këtë ligj. [Kopje]
- . Poseduesi i lejes si institucion trajnues në fushën private të sigurisë ka të drejtë për hapjen e degëve të tjera në komunat e Republikës së Kosovës, duke i plotësuar kushtet e këtij neni. [Kopje]
Koha e parashikuar brenda së cilës duhet të jepet përgjigje për proceduren (në ditë): Organi kompetent vendos për aprovim ose refuzim të kërkesës dhe informon aplikuesin me vendim me shkrim brenda tridhjetë (30) ditësh, nga dita e dorëzimit të kërkesës.
| Lloji i pagesës | Shuma e taksës (në Euro) | Mënyra e pagesës | Numri i llogarisë |
|---|---|---|---|
| Taksa | 1000 | Transfer bankar |
Linku i Formularit për Aplikim
https://sshps.rks-gov.net/(S(ko5osao2evx2cd0hpw5qpodi))/login2.aspx